Германияның Отто фон Герике атындағы Магдебург университетінде оқудың бесінші күні

Доктор Ольга Зехельдің тренинг тақырыбы университетте дуальды оқыту бойынша емтихандарды өткізу ерекшеліктерімен байланысты болды. Дуальды оқытуды ұйымдастыру мысалдары (жоғары оқу орны + мамандық), триальды оқытудың ерекшеліктері және палатаның бітіру емтихандарын өткізуі қарастырылды. Тренинг барысында дуальды оқытудың өзекті мәселелері бойынша пікірталас ұйымдастырылды: бакалавриат бойынша білім беру түрлері, сырттай оқытуды ұйымдастыру, триальды оқыту және т.б.

Тренингтің екінші бөлімі онлайн режимінде өтті. Профессор Брингс Германиядағы дуальды білім беру кезінде мемлекеттік және жеке секторлардың ынтымақтастығы және олардың арасында келісімдер жасау мәселелеріне тоқталды. Мемлекет пен жеке сектордың тығыз ынтымақтастығы қызметкерлердің компанияларға қажетті дағдыларды меңгеруін қамтамасыз ететіні, бұл дуальды оқытудың бір артықшылығы екені айтылды. Сондай-ақ профессор Брингс оқу сағаттарының кестесіне (фирма ішіндегі оқыту және кәсіптік оқу орнындағы оқыту), дуальды оқыту бағдарламаларына назар аударды.