QS School Qaraganda оқушыларына арналған кәсіптік бағдар беру іс-шарасы

2026 жылғы 23 қаңтарда QS School Qaraganda жекеменшік мектебінің 9-сынып оқушылары Қарағанды жоғары политехникалық колледжіне барды. Колледжге сапар барысында оқушыларға кәсіптік бағдар беру жұмысы жүргізілді.

Оқушылар колледжде жүзеге асырылатын білім беру бағдарламаларымен, оқу үдерісінің ерекшеліктерімен, материалдық-техникалық базамен және оқуға қабылдау шарттарымен танысты.

Аталған іс-шара оқушылардың болашақ мамандықты саналы түрде таңдауына, кәсіби бағыт-бағдарын айқындауына мүмкіндік берді. Қарағанды жоғары политехникалық колледжі мектеп оқушыларымен жүйелі кәсіптік бағдар беру жұмыстарын жалғастыруда.