«MINOVA KAZAHKSTAN» компаниясының технологы К.К. Исатаевтың қонақ дәрісі

18.01.2022 Қарағанды жоғары политехникалық колледжінде «MINOVA KAZAHKSTAN» компаниясының технологы К.К. Исатаевтың қонақ дәрісі өтті.

Осы іс-шараға тау-кен құрылыс пәндері кафедрасының оқытушылары мен өндірістік оқыту шеберлері қатысты.

Олар тау жыныстарын, ғимараттар мен құрылымдардың конструкцияларын және іргетастарын нығайтудың жаңа технологияларымен; қазіргі уақытта тау-кен өнеркәсібі кәсіпорындарында және құрылыста кеңінен қолданылатын, компания шығаратын материалдармен және жабдықтармен танысты.

Практикалық ақпаратқа толы презентация аудиторияның ерекше қызығушылығын тудырды. Сындарлы, пайдалы және ашық диалог болды. Кафедра оқытушылары өздерін қызықтырған сұрақтарға жауап алды.