ЭКОЛОГИЯ ТАЗАЛЫҒЫ – ХАЛЫҚ БАЙЛЫҒЫ
26.04.2023 ж. «Оқуға құштар колледж» жобасын іске асыру аясында Қарағанды жоғары политехникалық колледжінің кітапханасы оқырмандарымызды қоршаған ортаны көздің қарашығындай қорғай білуге шақыра отырып, экологиялық білімдерін молайту мақсатында коллежіміздің қабырғасында “Экология тазалығы – халық байлығы” атты тақырыпта кітап көрмесін ұйымдастырып, библиографиялық шолу жасады. Көрмеде экологиялық мәселелер туралы маңызды деректері бар кітаптар, оқулықтар, мерзімді басылым беттерінде жарияланған мақалалар ұсынылды.
Табиғат - адам баласының тіршілік тынысы әрі таусылмас қазынасы. Сондықтан қоршаған ортаны, табиғат байлығын қалыпты жағдайда ұстау, экологияны қорғау - әрқайсымыздың азаматтық борышымыз.
