Қарағанды жоғары политехникалық колледжінің студенттері «Таир» СОСО-дағы бос жұмыс орындары жәрмеңкесіне қатысты

2025 жылғы 21 қараша күні Қарағанды жоғары политехникалық колледжінің «Электржабдықтау» және «Жаңартылатын энергетика» мамандықтарының студенттері Жұмысшы мамандықтар жылы аясында ұйымдастырылған бос жұмыс орындары жәрмеңкесіне қатысты. Іс-шара «Таир» сауда-ойын-сауық орталығында өтіп, қаладағы жетекші компаниялар мен өндіріс орындарының жұмыс берушілерін бір алаңға жинады.

Жәрмеңке барысында студенттер энергетика және техникалық бағыттар бойынша өзекті бос жұмыс орындарымен, жас мамандарға қойылатын талаптармен, өндірістік тәжірибеден өту мүмкіндіктерімен және болашақта жұмысқа орналасу перспективаларымен танысты. Кәсіпорын өкілдері қазіргі өндірістік үдерістер, қажетті құзыреттер және кәсіби өсу мүмкіндіктері туралы толық ақпарат берді.

Мұндай іс-шараларға қатысу студенттерге еңбек нарығын жақсы түсінуге, кәсіби жоспарларын нақтылауға және болашақ жұмыс берушілермен тікелей байланыс орнатуға мүмкіндік береді.