Қаныш Сәтбаевтың 125 жылдық мерейтойына арналған «Қаныш Сәтбаев – ұлт мақтанышы» атты облыстық дөңгелек үстелі ZOOM платформасында өтті

20.12.2024 күні «Оқуға құштар колледж» жобасын іске асыру және «Біртұтас тәрие» бағдарламасының шеңберінде, техникалық және кәсіптік, орта білімнен кейінгі білім беру колледждерінің кітапханашылары мен студенттері арасында мемлекет және қоғам қайраткері, геолог Қаныш Сәтбаевтың 125 жылдық мерейтойына арналған «Қаныш Сәтбаев – ұлт мақтанышы» атты облыстық дөңгелек үстелі ZOOM платформасында өтті.

Шара өте мазмұнды және танымды болды. Қатысушылар ғалым жайлы көптеген құнды деректер айтты. Оған колледжіміздің кітапханашысы Мұқатаева Балнұр Асқарбекқызы қатысып «Ғылым көкжиегіндегі дара тұлға» тақырыбында баяндама қорғады.

Әр колледждің баяндамашысы өз жұмысына үлкен ізденімпаздық танытып, жаңашыл мағлұмат беруге тырысты. Дөңгелек үстел соңында қатысушылар бір – бірімен пікір алмасып, өз ұсыныстарымен бөлісті.