Абай ауданының Профориентациялық форумында Қарағанды жоғары политехникалық колледжі

📅 2025 жылғы 18 қарашада Қарағанды жоғары политехникалық колледжі Еңбек мамандықтары жылына арналған Абай ауданының Профориентациялық форумына қатысты.

Іс-шараға өңірдің сұранысқа ие жұмысшы мамандықтарын таныстырған білім беру ұйымдары мен 1000-ден астам бітіруші сынып оқушылары жиналды.

Колледж келесі негізгі даярлық бағыттарын ұсынды:
• Энергетик,
• Жылу энергетигі,
• Тау-кен саласы (кеншілер).

Колледж өкілдері оқушыларға оқу ерекшеліктерін, жұмысқа орналасу мүмкіндіктерін және қабылдау шарттарын таныстырды.

Бұдан бөлек, форумда басқа да мамандықтар ұсынылды, соның ішінде:
• машина жасау,
• дәнекерлеу ісі,
• педагогика,
• медицина,
• ақпараттық технологиялар,
• қызмет көрсету және сервис,
• құрылыс және көлік,
• агротехникалық және жұмысшы мамандықтары.

Форум оқушылар мен мамандардың тікелей қарым-қатынас алаңына айналып, болашақ талапкерлерге энергетика және тау-кен саласы бойынша мамандықтарды жан-жақты танып-білуге мүмкіндік берді.

Осындай іс-шараларға қатысу Қарағанды жоғары политехникалық колледжінің кәсіби бағдар жұмысының маңызды бөлігі болып табылады және өңір оқушыларының болашақ мамандықты саналы түрде таңдауға ықпал етеді.