8 наурыз құтты болсын!

Аяулы аналар! Ардақты апа-қарындастар!

Гүл көктемнің алғашқы мерекесі, әсемдік пен әдеміліктің, сұлулық пен ізгіліктің жаршысындай жайма-шуақ күйге бөлейтін жарқын мереке – 8 Наурыз – халықаралық әйелдер күнімен құттықтаймын!

Ана – әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Сондықтан да, 8 наурыз – Халықаралық әйелдер күні мерекесінің орны бөлек.

Әйелдер түрлі саланың қызметкерлері болғанымен, отбасында – аяулы ана, асыл жар, шаңырақтың шаттығы, отбасының ұйытқысы болып отыр. Тәрбиелі отбасы – бақытты болашақтың ұясы.

Әрқашан отбасыңыздың ажары, жүрген орталарыңыздың базары болыңыздар! Дендеріңізге саулық, босағаларыңызға бақ пен береке, шаңырақтарыңызға шаттық тілеймін!

Мерекелеріңіз құтты болсын!