№40 Негізгі орта мектебінде кәсіптік бағдар беру кездесуі өтті

2026 жылғы 11 ақпанда Қарағанды жоғары политехникалық колледжінің өкілдері Курьяновский кентіндегі №40 Негізгі орта мектебінің 9-сынып оқушыларына арналған кәсіптік бағдар беру іс-шарасын өткізді.

Кездесу барысында оқушыларға колледж мамандықтары, материалдық-техникалық базасы, дуальді оқыту мүмкіндіктері және өңірдің жетекші кәсіпорындарында өндірістік практикадан өту жайлы толық ақпарат берілді. Сонымен қатар, оқуға түсу шарттары, болашақта жұмысқа орналасу мүмкіндіктері, халықаралық жобалар мен WorldSkills қозғалысына қатысу туралы мәліметтер ұсынылды.

Оқушылар өздерін қызықтырған сұрақтарын қойып, болашақ мамандықты таңдауға қатысты пайдалы ақпарат алды. Сондай-ақ, олар колледжде өтетін кәсіби сынамалар мен оқу шеберханаларына және зертханаларына экскурсияларға қатысуға шақырылды.

Колледждің кәсіптік бағдар беру жұмысы оқушылардың саналы түрде мамандық таңдауына және болашақ кәсіби жолын дұрыс айқындауына бағытталған.