№4 мектеп-интернаты оқушыларына арналған кәсіптік бағдар беру экскурсиясы

2026 жылғы 20 қаңтарда көпбалалы және аз қамтылған отбасылардан шыққан балаларға арналған №4 мектеп-интернатының «Жас құтқарушылар» 8-сынып оқушылары Қарағанды жоғары политехникалық колледжінің №4 корпусына барды.

Сапар барысында оқушыларға «Төтенше жағдайлардан қорғау» және «Өрт қауіпсіздігі» мамандықтары бойынша кәсіптік бағдар беру жұмысы жүргізілді. Колледж оқытушылары оқушыларды оқу үдерісінің ерекшеліктерімен таныстырып, оқу кабинеттері мен арнайы практикалық сабақтарға арналған кабинеттерді көрсетті, сондай-ақ азаматтық қорғау және қауіпсіздікті қамтамасыз ету саласында жұмыс істеу үшін қажетті кәсіби дағдылар туралы баяндады.

Экскурсия оқушыларға таңдалған бағыт бойынша білімдерін кеңейтуге, болашақ мамандық пен колледжге түсу шарттары туралы пайдалы ақпарат алуға мүмкіндік берді.

Қарағанды жоғары политехникалық колледжі оқушыларды қолдауға және олардың болашақ мамандықты саналы түрде таңдауына бағытталған жүйелі кәсіптік бағдар беру жұмысын жалғастыруда.