Абай мұрасы – халық қазынасы

26.09.2023 ж. «Оқуға құштар колледж» жобасын іске асыру аясында ұлттық құндылықтарға негізделген тәрбие мен білім бағытында «Абай мұрасы – халық қазынасы» ХVІІ Абай оқулары шеңберінде Абайға арналған Қарағанды облысының жастары арасында облыстық байқауға Қарағанды жоғары политехникалық колледжі кітапханасының жетекшілігімен 9-1-РЭТ-21 тобының студенті Дәкей Нұрмұхамед белсене қатысты.

Байқауда қатысушымыз екінші номинация: Абайдың «Қара сөздері» - 32 «Қара сөзіне» арналған бейнеролик жасап барынша шеберлігін көрсете білді. Нәтижесінде студентіміз аталмыш номинацияға қатысқаны үшін алғыс хатпен марапатталды.

Жалпы қазақтың ұлы ақыны Абай Құнанбаевтың әрбір қара сөзі мән мен мағынаға, тәрбиеге, ізгілікке толы, әрі оқу-білімге жетелейді. Қайсы бір қара сөзін оқысақ қуат алып, мотивация алатын жандар да баршылық деп айта аламыз.